స్వేఛ్ఛ

అస్తమించెడి సూర్యుడు దారి తీసెను నెలవంకకు

చేరువవ్వని చిలుక చేకూర్చెను కలవరమును గోరింకకు

నిరీక్షించి అలసి, గుండెలోని గుబులు తోటి

నేస్తపు ధ్యాసయె శ్వాసయై వెతుక బయలుదేరెను

కానవచ్చెను నీరసించి శుష్కించి జీవఛ్ఛవముగ నున్న

కీరము స్వేఛ్ఛ కోల్పోయి పంజరమున

వికలమైనవి విహంగములు,వాటిల్లినది విషమ స్థితి

పసిడి పంజరమైననూ,అందున్నది పంచామృతమైననూ

దానవానందము పాలై పరుల వశమైన స్వేఛ్ఛతో సరి తూగలేవు కదా!