రిమ్ జిమ్ రిమ్ జిమ్ హైదరబాద్

బహు బాగుగనున్న భాగ్యనగరమున

నైజాం నైజం తెలిపెడి కోటలు

శాంత స్వరూపుడు ట్యాన్క్ బండ్ బుద్ధుడు

చక్కగ చెక్కిన చార్మినారు

మిల మిల మెరిసెడి అద్దాల మేడలు

జిలుగుల సొబగుల అందాల భామలు

ముత్యాలు,గాజులు, ఇంతుల గంతులు

లొట్టలు వేసెడి బిర్యాని ప్రియులు

కలుగుల వంటి సరుకుల కొట్టులు

గతుకులు నిండిన విశాల రోడ్డులు

వాడల పేర్లలొ కొండలు,గుట్టలు

హద్దులు మీరిన వీధిన రద్ది
క్రమమే ఎరుగని నిర్లక్ష్య జనులు

ఇలాంటి సందడి నిండిన నగరిలొ

తేట తెనుగు కాన రాదు తెరపి లేక వెతకినను

అయ్యా అను వారు లేరు "భైయ్య" అను వారు బోలెడు

ఆంధ్ర రాజధాని యందు అగుపడదు ఆంధ్రభాష

అక్కటా! అచ్చ తెలుగు మెచ్చువారి సంఖ్య హెచ్చు విధము లేదా?